Siglir tar il cuntegn
Inhalt

Grischun Central Hotel Cube Savognin demontescha logos

Dapi glindesdi è serrà l'hotel Cube a Savognin. Actualmain vegnan demontads ils logos e las letras da l'hotel. Il possessur principal dal hotel Rudolf Tucek n’ha betg prendì posiziun tar quai. Era per ulteriuras dumondas na stat il president da la «S1 Hotelerrichtungs AG» betg a disposiziun.

La reclama svanescha.
Legenda: La reclama svanescha. RTR, Federico Belotti

Sco quai ch’in collavuratur dal hotel Cube, che na vul betg vegnir numnà, ha ditg envers RTR, n’hajan anc betg tut ils radund 20 collavuraturs da l'hotel survegnì la disditga. Er il persunal na saja betg vegnì infurmà davart las raschuns da la serrada da l'hotel cun 270 letgs.

Vendì Cube en l’Austria

A Tröpolach en il stadi federativ da Kärnten è avant radund dus onns vegnì vendì pervi da problems finanzials il hotel Cube ad in impressari austriac. Vi da quel n'è il fundatur da la marca Cube Rudolf Tucek ch'ha bajegià il Cube a Savognin e quel en l'Austria betg participads. Suenter la vendita è l'hotel a Tröpolach vegnì restaurà per radund 15 milliuns francs – el sa numna uss hotel Franz Ferdinand.

RR actualitad 12:00