Grischun Central - Hotel Piz Mitgel a Savognin è serrà per 1 emna
Il Hotel Piz Mitgel al stradun a Savognin è serrà anc enfin gievgia. Sco quai ch’il possessur Sepp Waldegg ha ditg envers la Südostschweiz, saja quest emna gia debla, e cun il curs debel da l’euro sajan ils davos giasts anc siglids giu. Perquai haja el decidì da serrar il hotel per in’emna.
Il hotelier Sepp Waldegg ha scrit or per vender il hotel gia vant in per onns, enfin oz n’haja el dentant betg chattà in cumprader. Ils uffants dad el na veglian betg surpigliar il hotel, ha el ditg a la Südostschweiz. Actualmain lavuran 13 persunas per il hotel da trais stailas. Il Hotel Piz Mitgel exista gia dapi il onn 1870. El è vegnì bajegià per ils giasts da las charrotschas da la posta, che sa fermavan en il vitg.
