Hotel Post Andeer - Hotel vegn sanà per plirs milliuns
Robert Lombardini (71) ch’ha presidià il concern d’energia Axpo enfin tar sia pensiun, investescha plirs milliuns en la sanaziun da l'hotel Post ad Andeer. L'hotel ha el cumprà avant circa dus onns da confamigliars. Bajegià l'hotel aveva ses tat, ch’aveva gì success en l’America.
Legenda:
L'avust da l'onn proxim è planisada l'avertura dal hotel renovà.
RTR, Federico Belotti
2 / 14
Legenda:
Robert Lombardini (sanester) cun ses ami Gion Duri Cantieni, ch'è in grond agid quai che pertutga las lavurs da construcziun.
RTR, Federico Belotti
3 / 14
Legenda:
Quest bajetg annex è nov.
RTR, Federico Belotti
4 / 14
Legenda:
Qua datti in tschaler da vin.
RTR, Federico Belotti
5 / 14
Legenda:
Anc datti bler da far.
RTR, Federico Belotti
6 / 14
Legenda:
Quest bajetg na devi betg avant.
RTR, Federico Belotti
7 / 14
Legenda:
Il tschaler vegn sigillà per evitar ch'aua entra dal palanschieu.
RTR, Federico Belotti
8 / 14
Legenda:
Anc è l'hotel cuvert.
RTR, Federico Belotti
9 / 14
Legenda:
Actualmain marschan las lavurs.
RTR, Federico Belotti
10 / 14
Legenda:
Quest bajetg annex cun cuschina ed ustaria è vegnì construì da nov.
RTR, Federico Belotti
11 / 14
Legenda:
Robert Lombardini, il possessur da l'hotel Post ad Andeer.
RTR, Federico Belotti
12 / 14
Legenda:
Robert Lombardini sco uffant davant il hotel ad Andeer.
mad
13 / 14
Legenda:
Pietro Giuseppe Lombardini, il tat da Robert Lombardini.
mad
14 / 14
Legenda:
Pietro Giuseppe Lombardini, il tat da Robert Lombardini.
mad
Las lavurs s’avanzian bain, ha Robert Lombardini ditg durant ina visita dal plazzal. Ina gronda sfida sajan stads ils palantschieus. Quels sajan vegnids disfatgs dal tuttafatg e sajan vegnids remplazzads entras palantschieus da betun. Cunquai ch’ils mirs da l'hotel restan ils originals, haja duvrà diversas mesiras per stabilisar quels. Ina giada hajan ins schizunt pensà, ch’ins stoppia rumper giu las lavurs, uschia Lombardini envers RTR. Per el saja impurtant da far ina renovaziun da l'hotel e da betg sdrappar giu il bajetg, per mantegnair il relasch da ses tat.
audio
Robert Lomardini renovescha l'hotel Posta ad Andeer
03:13 min, ord Actualitad dals 07.10.2020.
laschar ir. Durada: 3 minutas 13 Secundas.
Anc chattà nagin ustier
Actualmain è scritta or la plazza per chattar in ustier. Sco quai che Robert Lombardini ha ditg, na dettia per il mument deplorablamain nagina annunzia d’ina Grischuna u in Grischun ed era haja el quintà cun dapli annunzias. Per far pli attractiva la plazza d’ustier ha il possessur da l'hotel Post decidì dad incassar nagin affit durant ils emprims 18 mais dal contract da fittanza da l'hotel.
Avertura la stad 2021
L'hotel che duai vegnir avert l’avust da l’auter onn duai avair trais stailas plus, 8 chombras dublas e duas suitas per famiglias. I dat duas stanzas da mangiar sco er in grond tschaler da vin.
04:44
video
Anteriur manager lascha renovar hotel Post ad Andeer
