En la zona Grava a Savognin stattan dapi curt ils profils per l'hotel «Quaderin». La dumonda da bajegiar per l'hotel, che la firma Uffer SA vul construir, vegnia publitgada il venderdi da l'emna proxima – uschia la vischnanca da Surses.
Sin dumonda da RTR ha il manader da fatschenta da la Uffer SA Enrico Uffer ditg, che contracts cun investurs na sajan anc suttascrits nagins. La fin d'avust vulan els infurmar davart il stan actual dal project.
Planisà ha la Uffer SA in hotel cun 200 letgs, la summa d'investiziun è tar 15 milliuns francs.
Legenda:
Ils profils èn ussa installads.
RTR, Federico Belotti
RR novitads 12:00
