La Manufactura Grischun SA ch’è vegnida fundada il 2012, ha gia elavurà differents projects, sco per exempel la producziun ed elavuraziun da peschs, tartuffels, ovs ed ervas. Ord motivs finanzials hajan ins enfin oz dentant anc pudì realisar nagut, ha ditg Andri Devonas, il president dal cussegl d’administraziun da la Manufactura Grischun SA.
Tge project ch’ins possia realisar il proxim temp n'è betg anc enconuschent. El spera sin ina collavuraziun cun la firma turitgaisa Swiss Alpine Fish SA, che ponderescha da laschar fimentar salmuns ad Alvaschagn.