Siglir tar il cuntegn
Ils 28 da favrer - l'anniversari dad Albert Pitschi - surdat el la redacziun a Loreadana Todisco.
Legenda: Ils 28 da favrer – l'anniversari dad Albert Pitschi – surdat el la redacziun a Loreadana Todisco. RTR, Federico Belotti

Grischun Central Il «Pöschtli» ha ina nova scheffa

La gasetta «Pöschtli» dal Grischun Central stat davant ina surdada d’uffizi. Albert Pitschi, ch’è dapi il 1996 manader da la redacziun, va en pensiun. Sia successura daventa Loredana Todisco ch’ha 25 onns.

Loredana Todisco en la redacziun a Tusaun.
Legenda: Loredana Todisco en la redacziun a Tusaun. RTR, Federico Belotti

Loredana Todisco, la nova manadra da la redacziun dal «Pöschtli» ha fatg a Tusaun l’emprendissadi sco assistenta da farmazia. Pir suenter la matura professiunala è ella vegnida tar il schurnalissem. Suenter in praticum d’in onn tar la gasetta «Bündner Woche», ha ella studegià Multimedia Production tar la HTW a Cuira, ed ha er adina puspè scrit artitgels per las gasettas «Ruinaulta» e «Novitads».

Cun 25 onns è ella actualmain la pli giuvna manadra d’ina redacziun dal concern Somedia. In vent frestg pli giuven pudess’ins senz’auter s’accorscher, ha ditg la giuvna schurnalista. Ella vul en l’avegnir scriver regularmain purtrets da persunas interessantas da la regiun. Per il «Pöschtli» lavuran actualmain radund 10 collavuraturas e collavuraturs libers. La gasetta cumpara ina giada l’emna e vegn stampada mintgamai cun in’ediziun da 8’795 exemplars.

Lavurs da Loredana Todisco tar la HTW

Artitgels legids il pli savens