Il «Summer Never Ends Festival» fatschenta la polizia

En quasi mintga segund auto ch’è vegnì controllà a Cunter Burvagn quests dis, ha la polizia chattà drogas. Quai di Conradin Cabalzar, il schef dal post da polizia da Savognin. Radund 20 policistas e policists èn actualmain en acziun en il Surses, pervi da la festa da «Goa» ch’ha lieu a Rona.

En il conturn dal festival da la festa da Goa a Rona haja la polizia gia tschiffà trais martgadants da drogas, ch’hajan gì enfin 200 grams marihuana per vender al festival. Per far attent sin ils privels dal consum da drogas, ha la fundaziun «Contact Netz» in stan al festival. «Il mument vegnan vendidas pirlas d’Extasy ch’èn dosadas fitg autas», ha ditg Hannes Hergarten, il responsabel dal stan. El emprovia da persvader ils visitaders ch’els consumeschian per exempel mo ina mesa pirla, sch’els na possian betg desister da drogas. Ad el èsi conscient, ch’i n’è betg pussaivel d’evitar il consum da drogas al festival.

Drogas al festival da Goa

4:59 min, Actualitad dals 09.07.2015