Siglir tar il cuntegn

Header

Video
In vocabulari online per il Sutsilvan
Or da Telesguard dals 16.09.2016.
laschar ir
cuntegn

Grischun Central Il sutsilvan survegn in dicziunari online

Il dicziunari sutsilvan è uss era da chattar sur la pagina dal pledarigrond.ch a partir da mardi, ils 13 da settember.

Sco la Lia Rumantscha scriva a las medias saja quai uss la terza purschida sur la pagina dal Pledari Grond. Era en questa versiun possian las utilisadras ed ils utilisaders contribuir activamain al svilup ed a la tgira dal stgazi da pleds.

Il Pledari Grond la plattafurma per divers dicziunaris electronics

La plattafurma dal Pledari Grond sa preschenta sco plattafurma per ils differents idioms sco er per il rumantsch grischun. L’intenziun è da cumplettar la plattafurma successivamain cun vocabularis per ils ulteriurs idioms, scriva la Lia Rumantscha.

Il vocabulari online sa basa sin il «vocabulari blau»

Il vocabulari sa basa sin il Pledari sutsilvan-tudestg/Wörterbuch Deutsch-Sutsilvan redigì da Wolfgang Eichenhofer ed edì il 2002 dals Meds d’instrucziun dal Grischun. Tgirà vegnia il dicziunari online da Johann Clopath da Trin, communitgescha la Lia Rumantscha. Actualmain cuntegna il dicziunari var 56'000 endataziuns.

RR novitads 11:00

cdm/ma

Artitgels legì il pli savens

Nach links scrollen Nach rechts scrollen