Siglir tar il cuntegn

Header

cuntegn

Grischun Central Ils impressaris dal Surses èn cuntents cun il passà

Era il Surses s’accorscha las consequenzas da l’iniziativa da segundas abitaziuns. Sco quai che differents impressaris dal Surses han ditg envers RTR, saja la situaziun da lavur stada fitg cuntentaivla ils davos trais onns. Il futur fa dentant quitads.

La firma Uffer bajegiar ed energia SA da Savognin ch’è spezialisà en differents secturs, s’accorscha il pli ferm il vent pli criv en la construcziun auta. «Qua avain nus stuì bajegiar giu persunal considerablamain», ha ditg Enrico Uffer, il manader da l’interpresa.

Avunda lavur fin oz

Il pli pauc patescha la branscha da la construcziun bassa. «Nus s’accurschain la concurrenza da firmas dad atras regiuns», ha ditg Diego Luzio, il manader da la firma Luzio SA da Savognin. Per questa stad saja sia firma dentant gia bain sin via, la pli grond’incumbensa saja la construcziun da la nov’ovra idraulica Ragn d’Err a Tinizong.

audio
Mezdi: Ils impressaris dal Surses èn cuntents cun il passà
ord Actualitad dals 20.03.2015.
laschar ir. Durada: 4 minutas 12 Secundas.

Sco quai che Daniel Uffer, il manader da la scrinaria Uffer a Cunter ha ditg, ins haja gia avunda lavur enfin oz. Il futur saja dentant intschert. Relaschadas na sajan betg planisadas, ina persuna che dettia giu la stad sia plazza, na vegnia però betg pli remplazzà, ha ditg Daniel Uffer.

Artitgels legids il pli savens