Legenda:
La baselgia dad Alvagni dastga tuttina laschar tutgar ils zains durant la notg.
RTR, F. Belotti
cuntegn
Grischun Central - Ils zains ad Alvagni battan vinavant era la notg
Ils zains da la baselgia catolica da Nossadunna ad Alvagni battan vinavant era la notg. Sco quai che la vischnanca Albula/Alvra scriva en il fegl uffizial, haja ella decidì sin basa dal grond interess public, d’annullar la decisiun da la suprastanza communala d’Alvagni dal december.
La suprastanza communala d’Alvagni aveva decidì, ch’ils zains na duessan betg pli tutgar durant la notg. La raschun era ina reclamaziun d’in convischin che fascheva valair ch’i na saja betg pussibel da durmir tut la notg pervi da la canera.
La plaiv da la vischnanca aveva fatg valair, ch’ella saja responsabla per ils zains e na vuleva betg dar ora la clav ch’è necessaria per programmar da nov ils zains. La vischnanca politica d’Alvagni aveva previs dad abolir il tutgiez davent da las 22:00 la saira enfin las 6:00 la damaun.
