Siglir tar il cuntegn

Header

video
En Val Schons fan ils giuvenils dapi 100 onns teater rumantsch
Or da Telesguard dals 17.11.2017.
laschar ir
cuntegn

Grischun Central In toc tradiziun

La «Cumpagneia da Donat a conturn» exista gia passa 100 onns ed è er anc ozendi fitg activa. Uschia per exempel cun ses teater da november tradiziunal. Quel ha puspè lieu venderdi e sonda saira a Donat.

Gia lur tats e tattas han fatg part da la «Cumpagneia», ch'i dat gia dapi l'onn 1914. A Donat e ses conturn èsi cler, ch'ins va suenter la confirmaziun en l'uniun da giuventetgna rumantscha. Uschia dumbra ella er anc oz passa 30 commembers ed è fitg activa.

Il teater da november tradiziunal cun notg libra è il highlight per l'uniun. Era sch'i na saja betg adina simpel da chattar la glieud per il teater – enfin ussa èsi adina gartegià. Cun mintgamai passa 200 aspectaturs è il teater in grond success.

Cun «Igl telefon d'amur» envida la «Cumpagneia da Donat a conturn» era quest onn puspè a sias sairas da teater. Ellas han lieu venderdi e sonda saira en la halla polivalenta a Donat mintgamai a las 20:15.

TR Telesguard 17:40

Artitgels legids il pli savens

Scrollar a sanestra Scrollar a dretga