Siglir tar il cuntegn
Inhalt

Grischun Central In viadi per munts e vals

Per la 15avla tundida da las nursas a Savognin è la famiglia Cotti vegnida or da letg fitg baud la sonda.

Legende: Video «La Tundeida» a Savognin abspielen. Laufzeit 02:59 Minuten.
Or da Actualitad video dals 14.10.2018.

Tar la 15avla «Tundeida» a Savognin èn quest onn puspè vegnidas tundidas 300 nursas. Il highlight da la festa è cler: L’arrivada da las nursas sur la Punt Crap – punctualmain a las 11:00.

Per che quai gartegia mintgamai uschè punctual, cumenza il di da lavur gia baud per la famiglia Cotti, ch’è la possessura da las 300 nursas. Gia la damaun marvegl han els preparà lur chavals sin l’Alp Flix – ils Cottis vegnan numnadamain a chaval a val cun las nursas. Suenter in viadi sur punts e vals, ch'ha cuzzà var 2,5 uras èsi lura stà uschè lunsch – tuttas nursas èn vegnidas tundidas en ina gronda tenda a Savognin.

Lavur d'accord

Ils trais tundiders professiunals han mintgamai var 3 fin 4 minutas per tunder ina nursa. Plirs 100 kilos launa vegn rimnà durant il di da tundida. E per las nursas èsi alura in pau pli agreabel da star a sulegl tar quellas temperaturas autas.

Grondas midadas

Mintgamai enturn 2000-3000 visitaders sajan stads a la Tundeida ils ultims onns. In toc dapli ch’anc tar l’emprima ediziun l’onn 2004. Era nursas hai bler dapli. L’inizianta da la Tundeida Lucia Netzer-Peduzzi constatescha ch’il concept saja sa midà, suenter ch’ella haja surdà l’organisaziun. Pli baud era la festa plitost pitschna e pensà sco inscunter. Ozendi saja quai in eveniment per las massas. Tenor Daniel Ulber, il president dal comité d’organisaziun, stoppian ins s’adattar ed adina puspè porscher novas attracziuns.

Legende: Video Tundida a Savognin abspielen. Laufzeit 02:54 Minuten.
Or da Telesguard dals 15.10.2018.

TSG 17:45