Siglir tar il cuntegn

Header

L’origin dal fieu sa chattava en ina chombra nunabitada sut il tetg.
Legenda: L’origin dal fieu sa chattava en ina chombra nunabitada sut il tetg. polizia chantunala
  1. Novitads
  2. Grischun Central
  3. Artitgel actual
cuntegn

Grischun Central Incendi en chasa da vacanzas a Cunter

A Cunter ha ina chasa da vacanzas da pliras famiglias brischà da Nadalnotg. Sco la polizia chantunala rapporta, èn ils dus abitants da la chasa vegnids transportads per controlla en l’ospital a Savognin.

In abitant da Cunter ha annunzià il incendi dal plaun sut il tetg a la polizia chantunala suenter las 18:00.

Il fieu n'ha betg pudì sa derasar sin las parts vischinantas dal bajetg.
Legenda: Il fieu n'ha betg pudì sa derasar sin las parts vischinantas dal bajetg. polizia chantunala

45 pumpiers da Sotgod èn stads en acziun per stizzar il fieu. Per pudair cumbatter las flommas han ils pumpiers stuì tagliar il tetg. Enturn las 21:00 è l'incendi stà sut controlla. Tenor indicaziun da la polizia è era l’auzada sut il plaun dal tetg vegnida donnegiada.

Ils dus abitants èn vegnids transportads en l’ostpital a Savognin cun suspect d’ina tissientada da fim. La polizia sclerescha uss la raschun da l'incendi.

RR novitads 11:00

  1. Novitads
  2. Grischun Central
  3. Artitgel actual

Artitgels legids il pli savens

Scrollar a sanestra Scrollar a dretga
cuntegn dal modal
Menu

Tschertga

Navigaziun principala