Siglir tar il cuntegn

Header

Navigaziun

Purtret dals trais umens davant la chasa communala.
Legenda: Ils iniziants han surdà oz l'iniziativa: Dany Andrist, president da l'uniun da tir Bravuogn, Reto Bachmann, suprastant communal e Nemanja Manojlovic, chanzlist da Bravuogn Filisur tar la surdada. MAD
cuntegn

Grischun Central Inoltrà iniziativa per mantegnair stan da tir Bravuogn

L’uniun da tiradurs da Bravuogn ha inoltrà in’iniziativa per mantegnair il stan da tir da Bravuogn. Radund 100 suttascripziuns èn vegnidas inoltradas tar la vischnanca da Bravuogn Filisur. Tenor la constituziun da la vischnanca èn necessarias 50 suttascripziuns valaivlas.

L’iniziativa pretenda, che la vischnanca da Bravuogn Filisur budgetescha en il preventiv da l’auter onn 75'000 francs per il stan da tir Islas a Bravuogn. Quels daners vegnan duvrads per renovar e mantegnair il stan da tir a Bravuogn. I fa prescha. Sin il 2020 sto igl stan da sajettar esser sanà.

La vischnanca da Bravuogn Filisur vuless atgnamain persequitar la varianta pli bunmartgada. Ella aveva proponì, che la fracziun da Bravuogn pudess sa cumprar en tar il stan da tir Crappa Naira a Surava. Per l’uniun da tiradurs muntass quella varianta però la fin da l’uniun: l’uniun da tiradurs haja mo in avegnir cun in agen stan da tir, uschia l’opiniun dals iniziants.

Legenda: Guardar il video Novitads. Durada 00:20 minutas.
Or da Telesguard dals 12.09.2019.

RR novitads 17:00