Siglir tar il cuntegn

Header

video
Lingia da tren a Casti sto vegnir sanada gia pli baud
Or da Telesguard dals 24.03.2022.
laschar ir. Durada: 3 minutas 11 Secundas.
cuntegn

Interrupziun dal traject Trens tranter Casti e Filisur curseschan puspè

La lingia da la Viafier retica è mumentant anc interrutta tranter Casti e Filisur – las lavurs da construcziun pon dentant vegnir a la fin pli spert che prognostitga. Uschia curseschan ils trens tranter Casti e Filisur puspè tenor urari.

Perquai ch'il terren sut ils binaris era sa dischlocà, aveva la Viafier retica stuì interrumper il manaschi sin quest tschancun. Pertutgadas da l'interrupziun dal traject èn cunzunt persunas ch'èn da viadi en Engiadina.

Lavurs da mantegniment

Las midadas dal terren han chaschunà grondas tensiuns sin ils binaris e defurmà quels, ha scrit la Viafier retica. Per schliar ils problems ha la RhB stuì cumenzar cun lavurs da mantegniment extraordinarias ch'eran atgnamain prevesidas pir l'avrigl.

audio
Lingia da tren a Casti sto vegnir sanada gia pli baud
ord Actualitad dals 24.03.2022.
laschar ir. Durada: 2 minutas 54 Secundas.

In tunnel pudess schliar ils problems

Sco quai che Ralph Rechsteiner, manader da projects da la Viafier retica ha ditg envers RTR, speria la viafier ch’il tunnel da drenascha che vegnia il mument construì a Brinzauls, calmia en l’avegnir ils moviments en il terren. Cas cuntrari vegnia il mument examinada la pussaivladad da construir in tunnel per la via e la viafier. In studi davart la realisabladad saja vegnì fatg. Tecnicamain fissi pussaivel da construir in tunnel. Tenor il studi saja da quintar custs da bun ina mesa milliarda francs, ha Rechsteiner ditg.

RTR novitads 17:00

Artitgels legids il pli savens

Scrollar a sanestra Scrollar a dretga