Grischun Central - Intginas aclas en Val Faller betg cuntanschiblas sin via
Ina bova ch’è vegnida giu dal Piz Forbesch en Val Faller la mesemna saira, ha devastà ina punt. La lozza e crappa è sa derasada sin ina largezza da circa 100 meters. Intginas aclas entadim la Val Faller a Plang n’èn perquai il mument betg cuntantschiblas sur ina via.
Legenda:
La bova ch'è sa derasada en Val Faller.
RTR, Federico Belotti
2 / 10
Legenda:
Questa punt è vegnida purtada davent da la bova per dapli che 50 meters.
RTR, Federico Belotti
3 / 10
Legenda:
Il prà avant la bova...
MAD, Marlies Eugster
4 / 10
Legenda:
...e suenter la bova.
MAD, Marlies Eugster
5 / 10
Legenda:
La bova è vegnida giu dasper aclas abitadas.
RTR, Federico Belotti
6 / 10
Legenda:
Gronds crappuns èn vegnids giu sin il prà.
RTR, Federico Belotti
7 / 10
Legenda:
Questas aclas dal quartier Plang n'èn il mument betg cuntanschiblas cun in auto, repsectivamain l'auto da là na po betg bandunar la Val Faller.
RTR, Federico Belotti
8 / 10
Legenda:
Qua nua ch'igl è uschiglio in bel prà, è sa furmà in laiet.
RTR, Federico Belotti
9 / 10
Legenda:
Quellas duas mattas giaudan ussa in bogn da lozza.
RTR, Federico Belotti
10 / 10
Legenda:
Era questa maschina agricula na po il mument betg bandunar la Val Faller, perquai che la punt è vegnida devastada.
RTR, Federico Belotti
Sco quai che Pascal Murbach, il manader dal servetsch forestal da la vischnanca Surses ha ditg envers RTR, stuessan dus giasts da vacanzas cun in auto bandunar la fin d’emna la Val Faller. Pertutgads èn era purs che na pon il mument betg traversar la bova cun lur maschinas agriculas.
audio
Saira: Perditgas da la bova en Val Faller raquintan
02:10 min, ord Actualitad dals 02.08.2018.
laschar ir. Durada: 2 minutas 10 Secundas.
I dovra lavurs da rumida
Tenor Murbach vegnan las lavurs da rumir a cuzzar radund duas emnas. Probabel stoppia anc vegnir siglientà in grond crap ch'è sa fermà pli ensi en la bova, quai per proteger ils lavurant che rumeschan la bova ed era per la segirtad dals peduns.
Adolf Poltera che maina la chamona da viandar Piz Platta ha ditg envers RTR, ch’igl haja gia pli baud dà bovas che sajan vegnidas giu dal Piz Forbesch. Ina bova da tala dimensiun n’haja el enfin oz però anc mai vesì. La bova è sa distatgada ier saira suenter in ferm temporal.
