Siglir tar il cuntegn

Header

Per l'emprima giada en sia vita ha André Eilertsen l'occasiun, da discurrer rumantsch cun insatgi.
Legenda: Per l'emprima giada en sia vita ha André Eilertsen l'occasiun, da discurrer rumantsch cun insatgi. RTR, F. Belotti
cuntegn

Grischun Central «Jau hai emprendì rumantsch entras il Radio Rumantsch»

André Eilertsen (35) è scolast da matematica a Stavanger/Norvegia. Sco uffant ha el survegnì in lexicon da la Svizra ed ha uschia scuvert ch’i dat il rumantsch. Cun leger cudeschs e cun tadlar Radio Rumantsch ha el emprendì la quarta lingua Svizra. Ussa visita el per l’emprima giada il Grischun.

Sco quai che André Eilertsen ha ditg, haja el emprendì la pronunzia dal rumantsch entras il Radio Rumantsch. Mintga di taidlia el il radio sur l’internet. Perquai ch’i na dettia nagina litteratura en norvegiais davart dal rumantsch, ha el publitgà en sin la pagina d'internet da Wikipedia bler dal rumantsch, quai cun blers exempels da differents idioms.

Publicaziuns dal rumantsch sin Wikipedia norvegiais

Sin sia visita en il Grischun dals 2 da fanadur fin ils 11 d’avust, vul el scuvrir dapli surtut davart il idiom sutsilvan. Pli tard vul el lura cumplettar sias novas scuvertas sin il Wikipedia da la Norvegia.

Sco quai che André Eilertsen ha ditg, possian era ils Svedais ed ils Danais far diever da quels artitgels cunquai che las trais linguas sajan fitg sumegliantas. L’artitgel vegnia uschia fatg accessibel ad in grond public.

Artitgels legids il pli savens

Scrollar a sanestra Scrollar a dretga