Prest 35 onns era el en il mund da las medias. Jürgen Törkott (53) avra l'entschatta avust puspè las portas dal buffet da staziun a Casti. El haja tschertgà puspe ina nova sfida ed en il buffet da Casti saja el s'inamurà da bel entschatta. Törkott ha uriundamain fatg la scola d'hotel en Germania, è vegnì en Grischun pervia da l'amur ed ha lavurà ils ultims onns tar radio Südostschweiz sco manader.
Il mund da la gastronomia enconuscha il Bavarais er. El ha manà in café pitschen en la citad da Cuira ed in restaurant da muntogna. Cun il buffet sa legra Törkott da cumbinar sias fermezzas – esser ospitant, la gastronomia ed esser adina en moviment. Quai saja sin la plazza da la staziun l'emprim che saja dà en egl ad el.