Las Ovras electricas dal Rain Posteriur (KHR) han gì in onn da gestiun 2021/22 sut la media. Sco ellas scrivan, hajan ellas producì bundant 930 uras gigawat electricitad. Quai correspundia a 65% da la media da plirs onns, ch'è 1'420 uras gigawatt. La raschun per quella bassa producziun argumentescha l'interpresa cun l'enviern miaivel cun bler sulegl ed ina stad cun pliras periodas da chalira. Tant l'enviern sco era la stad hai dà pauca precipitaziun.
Plinavant ston las Ovras electricas dal Rain Posteriur tschertgar in nov directur. Guido Conrad, ch'ha 60 onns, banduna l’interpresa il mars dal 2024 per esser pront per novas sfidas. Conrad ha lavurà 30 onns per l'interpresa, ils ultims 18 onns sco directur.
audio
Per tadlar: curt e cumpact
ord RTR Audio dals 03.03.2023.
laschar ir. Durada: 1 minuta 5 Secundas.