Grischun Central - Kitesurfing sin il lai da Tavau davent dal 2016
Tavau vul far experientschas cun il kitesurfing durant ina fasa da pilot. La suprastanza da Tavau, il Kleiner Landrat, ha acceptà ina dumonda dal club da kitesurf svizzer per nizzegiar il lai da Tavau, sco la Davoser Zeitung scriva.
La suprastanza prevesa dentant restricziuns dal temp. Uschia duai il kitesurfing esser exclus durant las vacanzas da scola da las scolas da Tavau, ed ils dis cun ulteriuras regattas sin il lai. Suenter la stagiun da test 2016 vul la suprastanza da Tavau lura decider vinavant.
La dumonda dals amis dal kitesurfing succeda en connex cun il scumond general da kitesurfing sin lais svizzers che vegn abolì il favrer 2016.
