Siglir tar il cuntegn

Grischun Central «Kurhaus» a Bravuogn augmenta l'agen chapital

L'hotel da tradiziun en Val d’Alvra augmenta ses chapital d’aczias per maximal 1,36 milliuns francs. Ins veglia preparar il «Kurhaus» per l’avegnir. Divers projects sajan pronts per vegnir lantschads. Quai vegli'ins far cun ina basa finanziala sauna, ha ditg Christoph Steiner, directur da l'hotel.

Legende: Video L'hotel «Kurhaus» a Bravuogn augmenta l'agen chapital abspielen. Laufzeit 1:49 Minuten.
Or da sil punct dals 31.07.2017.
Dapi il 2009 mainan Maya e Christof Steiner il hotel.
Legenda: Dapi il 2009 mainan Maya e Christof Steiner l'hotel. RTR, Federico Belotti

L’augment dal chapital d’aczias è vegnì lantschà la primavaira da quest onn. Enfin ussa hajan ins cuntaschì la summa da 800’000 francs. Quai saja cler sur las spetgas, ha ditg il directur da l'hotel, Christoph Steiner.

Pertge in augment dal chapital?

Per l’augment dal chapital d’aczias dettia quai differentas raschuns. Uschia hajan ins planisà differentas investiziuns. Gia quest atun vegnian renovadas diversas chombras e las cuschinas da las abitaziuns da vacanzas, ch’èn integradas en l'hotel. Plinavant veglian ins laschar sa participar ils clients fidaivels vi dals affars da l'hotel. Dividenda na dettia nagina, però profitian ils acziunaris en la stagiun auta d’in dretg da reservar avant ils auters clients.

RR actualitad 17:00