Arpen Huder è creschì si a Bravuogn cun sia sora Uta e ses frar Aldo. Suenter la scola chantunala a Cuira, ha el fatg l’emprendissadi sco tecnicist da la construcziun bassa. A Tusaun ha el lavurà tar ina firma che construescha vias.
Durant la segunda guerra mundiala ha el fatg servetsch ad Utzensdorf en il chantun da Berna sco observader da l’aviaziun.Cun 35 onns è el daventà posttenent, sco successur da ses bab ch’era ì en pensiun. Ina lavur ch’el ha fatg gugent, sco ch’el di.
Arpen Huder è era stà president communal da Bravuogn, quai durant ils onns 1957 – 1963. Losch è el d’avair survegnì il vischinadi da Bravuogn, dasperas quel da Fuldera. Fin avant diesch onns ha el regularmain fatg il maraton da l’Engiadina.
Anfang Bildergalerie
Bildergalerie überspringen
-
Bild 1 von 4. Arpen Huder en sia giuventetgna. Bildquelle: mad.
-
Bild 2 von 4. Ils dus spus Anni Hermann ed Arpen Huder. Bildquelle: mad.
-
Bild 3 von 4. Arpen cun sia sora Uta, sin il velo Cecilia. Bildquelle: mad.
-
Bild 4 von 4. Ils emprims autos a Bravuogn eran in'attracziun. Bildquelle: mad.
Ende der Bildergalerie
Zurück zum Anfang der Bildergalerie.