Sco quai che Christian Schutz, il patrun da l’orticultura Schutz a Filisur ha ditg, sajan radund 3000 pignols e dapli che 2000 plantas pitschnas vegnidas destruidas. Ina surfatscha da radund 3500 meters quadrats saja vegnida destruida. Anc na saja betg cler, sch’ins possia duvrar era en l’avegnir il terren per cultivar plantas, uschia Christian Schutz. Ins saja en contact cun il chantun e cun la vischnanca. La firma tschertgia però gia ussa in’alternativa per plantar pignols, quai saja però fitg grev, cun quai che purs na mettian actualmain betg gugent a disposiziun terren, quai ord consequenza da lur novs pajaments directs. Cun las segiranzas è Christian Schutz en contact ha el ditg, el suppona ch’il donn da material munta a 700’000 fin 900’000 francs.
Grischun Central L’orticultura Schutz n’ha anc nagin’alternativa per terren pers
L’entschatta da zercladur è ina bova destruì ina cultura da plantas da l’orticultura Schutz da Filisur. Las consequenzas èn grondas. RTR ha fatg ina visita a Filisur.
audio
Las consequenzas da la bova
ord Actualitad dals 31.07.2015.
laschar ir. Durada: 3 minutas 46 Secundas.fb
