Siglir tar il cuntegn

Header

cuntegn

Grischun Central La chasa d'Uorsin en l'Europapark

L'istorgia da success da l'Uorsin cuntinuescha. Gion Michael, in scrinari da Ziràn, è vegnì dumandà dals responsabels da l'Europapark, sch'el veglia construir la chasa da l'Uorsin en il parc da divertiment.

audio
Bunura: In scrinari da Ziràn fa la chasa d'Uorsin en l'Europapark
ord Actualitad dals 03.05.2016.
laschar ir. Durada: 2 minutas 48 Secundas.

La chasa d'Uorsin vesa ora sco quella en il film da Xavier Koller, simplamain in zic pli pitschna. La finamira era d'avair la chasa uschè autentica sco pussaivla, quai ha ditg Jakob Wahl da l'Europapark.

Gion Michael è stà surstà da la dumonda. Ella haja fruschà ils egls cura ch'ils responsabels hajan dumandà el da far quella lavur. Gidà ha segiramain er ch'il figl da Gion Michael, Laurin, è er stà actur en il film d'Uorsin (Laurin ha giugà la rolla dal Roman, il buob cun ils chavels cotschens).

in scrinari vid resgiar in'aissa
Legenda: Gion Michael e 3 da ses collavuraturs han lavurà circa 3 emnas vid la chasa. mad

Quai haja segiramain era gì in'influenza, pertgè la lavur sco tala saja ina sco bleras autras er, di Gion Michael. Ils responsabels hajan vulì mastergnants grischuns ed er laina originala. Uschia ha Gion Michael e ses collavuraturs fatg il tavlegià ed il palantschieu cun laina schember, gist uschia sco quai ch'i tutga per ina chasa engiadinaisa. La sfida gronda per la lavur saja stada l'administraziun, la duana cun bler formulars e palpiris ha menziunà Michael.

Davent ils 11 da matg è la chasa d'Uorsin da vesair en l'Europapark, en la part svizra dal parc gist a l'entrada da la pista da bob.

Artitgels legids il pli savens