Siglir tar il cuntegn

Grischun Central La chasa paterna da Tumasch Dolf vegn svegliada ord la sien

Ina chasa dal chant, en la quala chors ed autras furmaziuns da musica pon exercitar: Quai è la visiun dal project «Tgea da tgànt» a Maton. Anc n'èn ils daners betg ensemen, en in emprim pass datti ussa in’inscenaziun acustica.

La chasa paterna da Tumasch Dolf a Maton.
Legenda: La chasa paterna da Tumasch Dolf duai vegnir modernisada per plirs milliuns francs. RTR, Federico Belotti
Da sanester: Corsin Vogel, artist; Christian Joos, president Cuminanza culturala Val Schons; Julian Reich, Cultura Viamala.
Legenda: Da sanester: Corsin Vogel, artist; Christian Joos, Cuminanza culturala Val Schons; Julian Reich, Cultura Viamala. RTR, Federico Belotti

Il project «Tgea da tgànt» vegn promovi dal Parc natiral Bavregn, la Cuminanza culturala Val Schons e dal post da cultura Viamala. Il project cuntegn era pussaivladads da lavurar ed abitar, sco era in’exposiziun davart las chanzuns rumantschas. I dovria anc bler temp ed energia, per che la visiun daventia realitad. Perquai datti ussa sco emprim in’inscenaziun acustica en la stalla sper la chasa da Tumasch Dolf, è da leger en la revista turistica «Viamala Aktuell».

L’artist da tun Corsin Vogel ch’ha ina colliaziun cun Maton entras ses geniturs, concepescha in’installaziun da tun cun material d’archiv ed atgnas interpretaziuns cumponidas. Tgi che smatga sin in nuf davant la «Tgea da tgànt», vegn a sentir Tumasch Dolf a chantar. L’installaziun resta enfin il 2018, la vernissascha è ils 16 da settember. I vegn era fatg in pitschen «infopoint», nua ch’ins po s’infurmar davart il project.

Ord l'archiv:

Legende: Video Chasa da la musica a Maton abspielen. Laufzeit 2:56 Minuten.
Or da Telesguard dals 31.10.2016.

RR Total local 11:45