Il chantun n’haja betg examinà alternativas per sviar Ferrera, scrivan las trais organisaziuns da l’ambient. Ed ellas menziuneschan che la Dretgira administrativa grischuna n’haja era betg snegà la valita da la cuntrada pertutgada dal sviament planisà.
Tuttina haja la Dretgira administrativa grischuna decis cunter l’interess da proteger la cuntrada en il sid da Ferrera, scrivan il WWF Grischun, la Pro Natura Grischun e la Fundaziun per la protecziun da la cuntrada. Dapli paisa haja la dretgira dà a la dumonda dals custs d’ina varianta cun tunnel, ed a la muntada naziunala da la via tranter Casti e Tavau.
Gia plirs onns cumbat
Las organisaziuns cumbattan il sviament dapi ch'il chantun ha concludì la varianta actuala avant otg onns. Damai ch’ellas na van betg d’accord cun la Dretgira administrativa grischuna, van ellas vinavant avant il Tribunal federal.
RR actualitad 14:00
