Siglir tar il cuntegn

Grischun Central La fusiun da la vischnanca Valragn è sut tetg

La fusiun da la vischnanca Valragn po ir en vigur l’entschatta da schaner 2019. Senza cuntravuschs ha il Cussegl grond acceptà la fusiun da las vischnancas Valragn, Nufenen e Spleia.

Carta da las trais vischnancas (Valragn, Nufenen, Spleia) che furman la vischnanca Valragn.
Legenda: Er il Cussegl grond ha uss approvà la fusiun da las trais vischnancas. RTR

Las trais vischnancas avevan approvà la fusiun gia il december passà. La vischnanca fusiunada vegn sustegnida dal chantun cun 3.35 milliuns francs. Cun questa fusiun dumbra il chantun anc 106 vischnancas a partir da l’onn proxim.

Fusiun cun la segunda emprova

La fusiun da la vischnanca Valragn è gartegiada pir cun la segunda emprova. Il 2016 aveva la vischnanca da Sufers ditg NA, uschia che l’entira fusiun era dada en l’aua. Suenter quest NA da Sufers han las vischnancas da Valragn, Nufenen e Spleia instradà in project da fusiun senza Sufers.

RR novitads 16:00