Gudagnà l’elecziun da la pli bella chaura ha ina chaura da Mario e Niclo Devonas da Salouf. Il pli bel buc ha gì Dino Balestra da Savognin. L’elecziun ha gì lieu la sonda sin il bain puril da Balestra a Savognin. La societad da tratga da chauras Surses datti dapi 15 onns. Il president è Philipp Poltera da Rona. Il scopo da l’uniun è da promover la tratga da las diversas sorts da chauras ch’i dat en la val.
Mintgatant sa preschentan ils allevaturs da chauras cun lur animals ad exposiziuns. La sonda èn stadas da vesair a Savognin chauras da las razzas «Bündner Strahlenziege», «Gambsfarbige Gebirgsziege», «Saanen» e «buren».
audio
Bunura: La pli bella chaura deriva da Salouf
ord Actualitad dals 30.04.2018.
laschar ir. Durada: 2 minutas 52 Secundas.
RR actualitad 08:00