Siglir tar il cuntegn

Grischun Central La pli gronda rallye d’autos electrics visita Savognin

Senza duvrar ina gutella benzin, èn els sin viadi a travers l’Europa: Ils manischunzs da la Wave-Throphy. Tgi che gudogna, decidan er ils scolars da Savognin.

Louis Palmer da Lucerna ha inventà la rallye.
Legenda: Louis Palmer da Lucerna ha inventà la rallye. RTR, F. Belotti

2’500 kilometers, 90 squadras, 70 citads, 8 dis – ina missiun. Tut quai cuntegna la Wave-Throphy, la pli gronda rallye cun autos e motos electrics dal mund. Quest onn va la rallye da Berlin enfin il Grischun. La finamira da la cursa è, da far attent sin ils autos electrics, che valan sco ecologics.

L’organisatur è Louis Palmer ch’è vegnì enconuschent sco l’emprima persuna, ch’è viagià enturn il mund cun in auto mo cun energia solara. La finamira da la rallye n’è betg d’esser spert, mabain da viagiar uschè ecologic sco pussaivel sur las differentas etappas.

Legende: Video La Wave Trophy fa staziun en l’Engiadina abspielen. Laufzeit 01:46 Minuten.
Or da Actualitad video dals 19.06.2015.

Puncts datti era per l’equipament dals autos e motos. Plinavant pon per exempel ils scolars da Savognin valitar la decoraziun dals differents autos, quai che dat puncts. La Wave Throphy ha cumenzà ils 12 da zercladur e cuzza anc enfin ils 21 da zercladur. Ella finescha en il Tirol dal Sid.