La «Route 66 Svizra» è 1'600 kilometers lunga

Svizra Turissem ha preschentà mardi ad Andeer la «Grand Tour of Switzerland», ina ruta signalisada sin via che passa per lung da bleras attracziuns da l’entir pajais, sumeglianta a la «Route 66» en ils Stadis Unids. Enfin l’onn 2021 quinta Svizra Turissem cun enfin 200‘000 turists dapli.

Laschar ir video «"Route 66" er tras la Svizra»

"Route 66" er tras la Svizra

2:52 min, Telesguard dals 14.4.2015

«Cun questa nova purschida sperain nus che la Svizra possia profitar dal trend dal touring», ha ditg Gaudenz Thoma, il CEO da Grischun vacanzas ed il president da l’Uniun Grand Tour of Switzerland. Ins saja persvadì ch’ins possia metter in accent era per l’innovaziun da products, perquai ch’i na deva quai enfin oz betg en questa furma, ha ditg Gaudenz Thoma.

La ruta na passa betg tras la Surselva

En il Grischun passa la ruta tras la Val dal Rain, tras la Purtenza, l’Engiadin’Ota e Bassa, tras il Surmeir, e sur la ruta dal San Bernardino en il Mesauc. Betg part da la ruta fa per exempel la Surselva u Arosa.

Era ina ruta per il traffic public

Il medem mument ha Svizra Turissem lantschà la «Grand Train Tour of Switzerland». Questa ruta traversa per part las medemas regiuns sco la ruta sin via.

En tut las quatter regiuns linguisticas da la Svizra è oz vegnì infurmà: Martin Candinas ha tegnì in pled en rumantsch. Avrir maletg en lightbox.

Legenda da maletgs: En tut las 4 regiuns linguisticas da la Svizra è mardi vegnì infurmà: Martin Candinas ha tegnì in pled en rumantsch. RTR, F. Belotti