Siglir tar il cuntegn
Inhalt

Grischun Central «La Scuntrada» a Tinizong ha in ustier

L’emprim da fanadur surpiglia Uwe Schlomann la butia ed ustaria La Scuntrada a Tinizong. Quai ha confermà ad RTR Tina Nüesch-Felber, la presidenta da l’Uniun da promoturs La Scuntrada.

La famiglia Schlomann, ils emprims fittadins da la Scuntrada.
Legenda: La famiglia Schlomann, ils emprims fittadins da La Scuntrada. mad

Uwe Schlomann vegn a manar l’ustaria ensemen cun sia dunna Nok. I duai dar cuschina indigena e tailandaisa. Uwe Schloman che deriva da la Germania, viva gia dapi 24 onns en Svizra. El ha tranter auter lavurà sco cuschinier ad Interlaken, Braunwald, Engelberg, Tavau ed il davos a Lai.

«La Scuntrada» è la nova ustaria cun butia che vegn realisada en la veglia halla da gimnastica da la scola. Ils custs da renovaziun da passa dus milliuns francs paja la vischnanca da Surses.