Siglir tar il cuntegn

Header

L'ustaria Scuntrada sa chatta en l'anteriura sala da gimnastica da la scola veglia da Tinizong.
Legenda: L'ustaria Scuntrada sa chatta en l'anteriura sala da gimnastica da la scola veglia da Tinizong. RTR, Federico Belotti
cuntegn

La Scuntrada a Tinizong Ustaria dal vitg dovra nov ustier

Carlo Uffer (36) e Lorraine Meier (33) ch’han manà trais onns e mez La Scuntrada, bandunan la fin da matg il Surses. Els van giu la Bassa nua ch’els vulan tschertgar ina nova sfida. L’uniun da promoturs La Scuntrada ha scrit ora la plazza ed ha gia diversas annunzias.

Sco quai che Carlo Uffer ha ditg envers RTR, n’haja la decisiun da bandunar il Surses da far nagut cun la crisa da corona. I saja ina decisiun dal cor. En l’avegnir veglian el e sia partenaria sa restrenscher in pau e tschertgar in'ustaria pli pitschna. Plinavant stettia la planisaziun d'ina famiglia en il center.

Diversas annunzias vegnan evaluadas

Heinz Götz, il president da l’uniun da promoturs La Scuntrada ha ditg che diversas persunas sajan gia s’annunziadas per daventar ustiers en La Scuntrada. Enfin la fin da favrer veglia l'uniun da promoturs decider, tgi che possia manar l'ustaria en l'avegnir.

Gia tschintg onns en funcziun

La Scuntrada a Tinizong ch'è averta dapi prest tschintg onns è vegnida finanziada da l'anteriura vischnanca da Tinizong-Rona. Quai cun l'intent da porscher als indigens e turists in'ustaria moderna che maina tras occurenzas. Plinavant datti ina pitschna butia en l'ustaria. Responsabla per il manaschi da l'ustaria è l'uniun da promoturs La Scuntrada. L'uniun dumbra actualmain 157 commembras e commembers.

RTR actualitad 11:00

Artitgels legids il pli savens

Scrollar a sanestra Scrollar a dretga