Siglir tar il cuntegn

Grischun Central La via sur il pass d'Alvra vegn sanada

La regenza grischuna ha approvà il project da correcziun da la Via sur il pass d'Alvra sin il traject Gravuels-ch – La Punt.

Traject tranter Gravuels-ch e La Punt.
Legenda: Il traject è actualmain fitg stretg, uschia che dus vehichels na pon strusch cruschar. MAD

Ils ultims decennis è la Via sur il pass d'Alvra vegnida engrondida e renovada successivamain. Sin il traject tranter Gravules-ch e La Punt èn fin ussa dentant mo vegnidas fatgas lavurs da mantegniment.

Il stadi è il suandant: La capacitad e la protecziun cunter la schelira da la surstructura èn insuffizientas ed i manca in allontanament d'aua per ils vials. E perquai che la via è fitg stretga, na pon dus vehichels strusch sa cruschar.

Renovaziun totala dal traject

Il project da correcziun da 4,3 milliuns francs prevesa da renovar totalmain il traject e da schlargiar el a 4,20 meters. Era La punt che traversa l'Ova d'Alvra sto vegnir remplazzada per motivs da la protecziun cunter aua gronda.

RR novitads 12:00