Siglir tar il cuntegn

Header

cuntegn

Lai Dapli spazi sin il campadi Gravas

La plazza da campar duess vegnir engrondida en direcziun nordost. Il cussegl communal da Vaz ha approvà per mauns da l’urna dals 15 da matg la renovaziun parziala da la planisaziun locala.

Cun adattar il plan da la zona dad auas e la zona da privel haja la plazza da campar pers 27 plazzas, stat scrit en il messadi da la sesida dal cussegl communal. Cun engrondir la plazza da campar duessan en l’avegnir puspè star a disposiziun circa medem bleras plazzas da campar sco pli baud, cura che la plazza da campar aveva 126 plazzas da campar. Cun quai che l’infrastructura na correspundia betg pli a las pretensiuns dad ozendi, duessi en l’avegnir era dar ina nova chasa da manaschi e novs indrizs sanitars.

Cumpensar runcada da guaud

Per engrondir la plazza da campar ston vegnir runcadas plantas. Sco mesira da cumpensaziun duai il lieu sitg da la Schmetta da manaivel da la plazza da campar vegnir revalitada. La plazza da campar è en il possess da la vischnanca burgaisa e vegn manada da privats.

Carta che mussa nua che la plazza da campar vegn engrondida.
Legenda: Il spazi mellen mussa l'engrondiment, en il spazi verd duess vegnir construì il nov bajetg da manaschi cun indrizs sanitars. mad

Approvà reglament per niz dals novs salvs

Plinavant ha il cussegl communal approvà la revisiun parziala dal reglament per il diever dals implants da scola, sport e cultura. Ils davos trais onns è vegnì investì 11 milliuns francs en renovaziuns ed engrondiments. Perquai ha il reglament stuì vegnir surlavurà.

audio
Per tadlar curt e cumpact
aus RTR Audio vom 30.03.2022.
abspielen. Laufzeit 1 minuta.

RTR novitads 17:00;

Artitgels legids il pli savens

Scrollar a sanestra Scrollar a dretga