Siglir tar il cuntegn

Header

cuntegn

Lai Duas persunas moran tar accident

A Lai hai dà venderdi in accident tranter in auto da posta ed in auto. Las duas persunas che sesevan en l'auto èn mortas.

l'auto da persunas è da vart sanestra e l'auto da posta cun rut davent ina part davant è da vart dretga.
Legenda: Polizia chantunala

Venderdi saira enturn las 17:00, era in auto da viadi sin la via dal Güglia da Cuira en direcziun Lai. Tranter Valbella e lai, sin l'autezza dal lai, hai lura dà ina collisiun frontala tranter lauto da posta e l'auto. L'auto è collidà cun l'auto da posta, en la storta dal Rothorn ch'era cuverta cun naiv.

Omaduas persunas che sesevan en l'auto èn mortas anc al lieu. Il chauffeur ed ils 15 passagiers da l'auto da posta èn mitschads cun la tema.

En acziun èn stadas duas equipas dal servetsch da salvament dal Grischun Central, la Rega, ils pumpiers da Lai-Churwalden, l'Uffizi da construcziun bassa e la Polizia chantunala. La via ha stuì vegnir serrada per pliras uras. In sviament hai dà via il center da sport a Lai. La procura publica e la Polizia chantunala sclereschan il decurs da l'accident.

RTR novitads 17:00

Artitgels legids il pli savens

Scrollar a sanestra Scrollar a dretga