Siglir tar il cuntegn

Header

cuntegn

Lai Nov triep da lufs al Corn da Lantsch

En il Grischun datti in nov triep da lufs. Quai al Corn da Lantsch en il sid da Lai. Grazia als resultats da genetica dal schaner hajan ins pudì cumprovar ch'i sa tractia definitivamain dad in nov triep che saja sa furmà l'onn passà. El consistia d'in pèrin cun tschintg giuvens, ch'èn naschids il 2022, communitgescha l'Uffizi chantunal da chatscha.

Cunquai è il dumber da trieps en il Grischun entant creschì sin 10. Quants lufs che vivan precis en il Grischun è intschert. Fin il december passà aveva il chantun identifitgà 104 differents exemplars aifer ils dus ultims onns. Cler è ch'i dat strusch pli ina regiun senza ina preschientscha permanenta dal luf.

RTR novitads 11:00

Artitgels legids il pli savens