Il cussegl communal da Vaz ha approvà in credit da 800’000 francs per construir novas vias per velos da muntogna, quai en il conturn da Scalottas sid e da Urdenfürggli – Plam las Funtanas. Avant in onn aveva il suveran da Vaz gia approvà cun 70% il Masterplan Bike 2.0, che cumpiglia quels projects.
Plinavant è vegnì approvà il quint da la vischnanca da Vaz da l’onn 2018. Quel serra cun in plus da stgars 4,7 milliuns francs. Envers il minus budgetà da circa 900’000 francs è il resultat cun quai per circa 5,6 milliuns francs meglier che previs.
RR novitads 12:00