Lai stat puspè en il chalender da la cuppa mundiala

Finì cun tremblar: Il 2018 datti a Lai puspè cursas dal cuppa mundiala. Questa decisiun ha prendì il congress da la FIS, conferma il president dal comité d’organisaziun Silvano Beltrametti.

A Lai èsi reussì dad esser part dal chalender da cuppa mundiala. Bild in Lightbox öffnen.

Legenda da maletgs: A Lai èsi reussì dad esser part dal chalender da cuppa mundiala. Keystone

Il final da la cuppa mundiala è fin il 2021 segiramain nagin tema. Lai emprova perquai d’almain pudair organisar las «normalas» cursas da cuppa mundiala. Suenter las cursas dal mars passà è quai uss puspè reussì, declera il president dal comité d’organisaziun Silvano Beltrametti.

La Federaziun internaziunala da skis FIS haja decis da puspè organisar il 2018 las cursas da las dunnas a Lai, conferma Beltrametti sin dumonda. «Quai è fitg plaschaivel per nus», di Beltrametti. Uschia possian ins mantegnair il ritmus da dus onns cun cursas a Lai.

Per ils organisaturs è quai ina victoria d’etappa. Pertge: atgnamain è la finamira da puspè purtar ils finals da la cuppa mundiala a Lai. Il pli baud termin per questa finamira fiss dentant pir il 2021.

RR novitads 20:00