Ils 28 e 29 da december s’inscuntra l’elita da passlung internaziunala gia per la quarta giada a Lantsch per il Tour de ski. Pervi da las temperaturas chaudas è luada blera naiv, uschia che las cursas vegnan probabel scursanidas levet.
Sco quai che Urs Baselgia, il schef da cursa dal Tour de Ski ha ditg envers RTR, è el da buna speranza, che l’eveniment po vegnir manà tras. El spera sin aura pli fraida, uschia ch’ins possia anc far dus fin trais dis naiv artifiziala. Actualmain vegnan las loipas preparadas cun naiv da l’onn passà e cun naiv che po vegnir producida cun ina maschina speziala era cura ch’igl è chaud.
1 / 5
Legenda:
Urs Baselgia, il schef da cursa dal Tour de Ski è led, da pudair producir naiv tecnica era tar temperaturas chaudas.
RTR, Federico Belotti
2 / 5
Legenda:
La naiv che vegn producida en quests containers vegn transportada ora sin la loipa.
RTR, Federico Belotti
3 / 5
Legenda:
La maschina da far naiv marscha sin turas autas.
RTR, Federico Belotti
4 / 5
Legenda:
Questa naiv qua è anc da l'onn passà, ella è vegnida cuverta durant la stad. Ussa è il mut mo pli pitschen.
RTR, Federico Belotti
5 / 5
Legenda:
Questa naiv u meglier ditg plattinas da glatsch vegnan producidas era cura ch'i fa chaud.
RTR, Federico Belotti
Urs Baselgia quinta che las cursas possian avair lieu, il sprint sin il traject usità. Las cursas cun partenza da massa vegnan probabel ad avair lieu sin in traject pli curt, empè da 3,75 kilometers vegn ina runda probabel mo ad avair ina lunghezza da 3,2 kilometers.
