Da la pista da skis sin la pista da sgular. Uschia sa numna quest model da lavur. L'idea è vegnida avant in onn da la firma Customer Ground Service AG, la firma che engascha tranter auter persunal per la plazza aviatica a Turitg.
E cun quest model è la finamira che la plazza aviatica e las pendicularas partan per dir uschia il persunal. Adina luvrar en il lieu nua ch’igl è stagiun auta. Part da quest project fan era las pendicularas da Lai. Tenor las pendicularas, saja quai in interessant model da lavur.
Barat da persunal – in success?
Propi grond success n’han els dentant betg anc gi cun persunal. Pir ina persuna da la plazza aviatica ha lavurà la stagiun passada tar las pendicularas da Lai. Bandunar il project na vulan els dentant betg, di Thomas Küng, il CEO da las pendicularas da Lai. Anzi, els studegian perfin d'extender il project sin ulteriuras branschas che han stagiun auta la stad e na dovran uschia betg il persunal l’enviern.
