Sco quai che la Polizia chantunala communitgescha è il manischunz da 19 onns collidà la gievgia saira enturn las 22:00 en ina curva a sanestra avant la plazza da golf fermamain cun la saiv directiva. L'auto ha cumenzà a brischar. L'automobilist e ses passagier (er 19 onns) han pudì sa salvar ord l'auto. Ils pumpiers da Vaz e Curvalda han pudì stizzar il fieu.
Il passagier ha grevas arsentadas ed è vegnì sgulà en l'ospital universitar a Turitg. Il manischunz ha levas blessuras ed è vegnì transportà en l'ospital regiunal a Tusaun.
La polizia ha ordinà ina prova d'urin e da sang dal manischunz. Ensemen cun la procura publica vegn examinà il decurs da l'accident.
RTR novitads