Lantsch ha approvà il preventiv

La vischnanca da Lantsch quinta per l'auter onn cun in gudogn da 56'500 francs tar entradas totalas da 6'365'300 francs. Era il preventiv per l'onn 2018 han ils 33 votants preschents approvà.

Vista sin Lantsch Bild in Lightbox öffnen.

Legenda da maletgs: La vischnanca da Lantsch quinta per l'auter onn cun in gudogn da 56'500 francs. RTR, B. Jenal

Il preventiv per l'onn che vegn quinta cun investiziuns nettas da 4'693'000 francs.

Investiziun en lavurs da mantegniment

Las investiziuns tutgan tranter auter a lavurs da segirtad en la regiun da Val Tgietschen/Surveglias. Per quellas lavurs è vegnì approvà in credit brut da 86'000 francs. Per la plazza da parcar Foppa sco era per la via da transport tar l'Alp Bual ha il suveran approvà in credit brut da 440'000 francs. Era il conduct d'aua tranter Cresta Stgoira ed l'implant da glera vegn renovà.

Il suveran ha ultra da quai era decis da laschar il pe da taglia sin 90%.

RR novitads 08:00