Siglir tar il cuntegn

Grischun Central Lantsch ha chattà in investider per il Nordic House

Michael Hartweg ch’è oriund da la Germania e viva a Wollerau, vul investir 8 milliuns francs en la construcziun dal bajetg ed il manaschi dal «Nordic House» che porscha in’ustaria, 70 letgs chauds e gardarobas per ils visitaders da l’arena da biatlon.

Da sanester: Il chanzlist Ursin Fravi, l'investider Michael Hartweg e Simon Willi il president communal da Lantsch.
Legenda: Da sanester: Il chanzlist Ursin Fravi, l'investider Michael Hartweg e Simon Willi il president communal da Lantsch. RTR, F. Belotti
Sco quai ch’il chanzlist da lantsch Ursin Fravi ha ditg, vegnia la radunanza communala da Lantsch a decider ils 11 d’october davart in credit da 370’000 francs per il Nordic House, e plinavant duain vegnir approvads ils contracts dal dretg da bajegiar ed il contract da fittanza. Il center da sport duai vegnir manada da la “Nordic & Biathlon SA”, ch’è vegnida fundada il 2012. Actualmain posseda l’arena da biatlon a Lantsch ina licenza B da la International Biathlon Union IBU. Premissa per la construcziun dal nov bajetg è, da survegnir ina licenza A, che vala era per manar tras cursas da biatlon dal cup mundial e campiunadis mundials. Sche tut va tenor plan pon las lavurs da construcziun cumenzar la primavaira da l’auter onn.
Legenda: Ils plans dal Nordic House èn vegnids fatgs da l'architect Pablo Horvàth. mad

L’arena da biatlon a Lantsch è en funcziun dapi l’enviern 2013. Sco quai ch’il chanzlist da Lantsch Ursin Fravi ha ditg, vegnia la radunanza communala da Lantsch dals 11 d’october tranter auter a decider davart in credit da 370’000 francs per il Nordic House. Plinavant duain vegnir approvads ils contracts dal dretg da bajegiar ed il contract da fittanza.Il center da sport duai vegnir manà da la «Nordic & Biathlon SA» ch’è vegnida fundada il 2012.

Actualmain posseda l’arena da biatlon a Lantsch ina licenza B da la «International Biathlon Union» IBU. Premissa per la construcziun dal nov bajetg è, da survegnir ina licenza A che vala era per manar tras cursas da biatlon da la cuppa mundiala e campiunadis mundials.

Sche tut va tenor plan, pon las lavurs da construcziun cumenzar la primavaira da l’auter onn.