Siglir tar il cuntegn
Inhalt

Grischun Central Las opiniuns davart la fusiun èn fatgas

Venderdi saira è stada la davosa infurmaziun davart la fusiun da las nov vischnancas en il Surses. Radund 70 persunas èn stadas preschentas a Salouf, la tenuta envers la fusiun era fitg positiva.

Tut ils presidents communals dal Surses
Legenda: Ils mastrals: Da san.: M. Jäger, G. Schaniel, R.Giovanoli, F. Dosch, A. Poltera, P. Vincenz, A. Thomann, M. Lozza, G. Sonder. RTR, F. Belotti
Barbara Janom-Steiner
Legenda: Barbara Janom-Steiner tegna in pled a Salouf. RTR, F. Belotti

Preschenta a la saira d’infurmaziun è stada la cussegliera guvernativa Barbara Janom Steiner. Ella spera che tut las nov vischnancas dian gea a la fusiun: «Jau crai che questa giada grategia la fusiun», ha ditg la ministra da finanzas e vischnancas. Ussa saja avant maun in bun project, ch’il team da project haja elavurà. Ils 27 da mars decidan otg vischnancas dal Surses davart la fusiun. Ils 26 d’avrigl decida Savognin sco davosa vischnanca, quai cun retard pervi da la constituziun da Savognin che pretenda quai.