Tenor planisaziun da liquiditad resulta sin la fin dal 2018 ina largia da finanziaziun da stgars dus milliuns francs. Quai ha scrit il president dal cussegl d’administraziun, Roger Kunz en il nov rapport annual ch’è vegnì publitgà oz. Sch’i na saja betg pussibel da serrar la largia a temp, saja il futur da la societad periclità, uschia Kunz.
Bunamain in milliun francs perdita
Las pendicularas hajan bain savì augmentar las entradas tar il transport da persunas ed er tar la gastronomia, dentant sajan era ils custs da persunal ed ils ulteriurs custs da gestiun s’augmentads. Uschia ch’i resulta ina perdita da bunamain 900’000 francs.
Suenter ina fasa d’autas investiziuns veglia la societad uss metter il pais sin l’effizienza dal manaschi per uschia cuntanscher las finamiras a lunga vista.
RR actualitad 16:00