Siglir tar il cuntegn
Inhalt

Grischun Central Las propostas dal pievel vegnan examinadas

En tut las 9 vischnancas dal Surses hai dà sairas d’infurmaziun davart la fusiun, che va en votaziun ils 27 da mars.

Gian Sonder, il president communal da Salouf e parsura da l'Allianza dals mastrals Surses.
Legenda: Gian Sonder, il president communal da Salouf e parsura da l'Allianza dals mastrals Surses. RTR, F. Belotti

Sco quai che Gian Sonder, il parsura da l’Allianza digls mastrals an Surses ha ditg, vegnian las differentas propostas dal pievel ussa examinadas da la gruppa da project.

Il messadi da fusiun cumpara en il decurs dal mars. La regenza sustegna la fusiun da Surses cun 8,8 milliuns francs sche tut las 9 vischnancas dian gea a la fusiun.aschar ir audio «Mezdi: Fusiun Surses - ils proxims pass»., il link avra en ina nova fanestra Avrir audio «Mezdi: Fusiun Surses - ils proxims pass» en player extern. Audio

Almain 6 vischnancas ston dir gea

La fusiun va en vigur sin l’entschatta dal 2016 sche almain sis da nov vischnancas approveschan la fusiun. Tenor ina intervenziun da la regenza, sto ina da las grondas vischnancas actualas dir gea a la fusiun, quai èn u Savognin u Tinizong-Rona. Il pe da taglia duai en l’emprim onn vegnir fixà sin 100% da la taglia chantunala simpla.