La fundaziun Stinah salva animals che giessan uschiglio en mazlaria. Tar ils animals che la fundaziun salva tutgan era giaglinas. Ina ch’ha spendrà duas giaglinas è Martina Bisaz, ch’è enconuschenta sco «content creator» sin ils chanals da social media.
Gia sco uffant hajan ils geniturs gì giaglinas ed ella haja adina gì plaschair vi dad ellas, di Martina Bisaz ch’è fitg activa sin instagram. Ella haja schizunt ina giada mess in pignol en stalla ed haja festivà Nadal cun las giaglinas, sa regorda la dunna da Latsch cun in surrir vi da si’uffanza. Sur la pagina d’internet rettetdashuhn.ch haja ella survegnì duas giaglinas ch’eran memia veglias e fissan uschiglio vegnidas gasifitgadas.
In contract evitescha che giaglinas vegnan mazzadas
Ella chattia bun ch’i dettia organisaziuns che pussibiliteschan a privats da survegnir giaglinas che vegnissan normalmain mazzadas. En general vegnan giaglinas suenter in onn midadas perquai ch’i fan be pli paucs ovs. Glieud che piglia ina giaglina da la fundaziun Stinah ston suttascriver in contract. Tranter auter è prescrit che las giaglinas na pon betg vegnir mazzadas cura ch’i na fan nagins ovs pli.
Engaschi per animals en miseria
Avrir la boxSerrar la box
La giurista ed il giurist Claudia Steiger e Christof Zimmerli mainan la fundaziun Stinah (Stiftung Tiere in Not Animal Help) cun sedia a Buch Turitg. Els s’engaschan per la protecziun d’animals da niz. Els s’engaschan per la cussegliaziun, l’organisaziun d’in nov dachasa per animals e novs plazzaments. Plirs tozzels chavals vivan sin lur bain puril, vitiers vegnan vatgas, chauras e nursas.
1 / 7
Legenda:
Martina Bisaz cun las sias giaglinas Uschi e Hanna.
Martina Bisaz
2 / 7
Legenda:
Dapi in onn tegna Martina Bisaz duas giaglinas en sia chasa a Latsch.
RTR, Federico Belotti
3 / 7
Legenda:
Dapi in onn tegna Martina Bisaz duas giaglinas en sia chasa a Latsch.
Martina Bisaz
4 / 7
Legenda:
Dapi in onn tegna Martina Bisaz duas giaglinas en sia chasa a Latsch.
Martina Bisaz
5 / 7
Legenda:
Il giat sa cumporta bain cun la giaglina.
Martina Bisaz
6 / 7
Legenda:
Per Martina Bisaz na tutga betg mo il giat, mabain era la giaglina tar in animal da chasa.
RTR, Federico Belotti
7 / 7
Legenda:
Per Martina Bisaz na tutga betg mo il giat, mabain era la giaglina tar in animal da chasa.
Federico Belotti
