En la Val d'Avras han chauns pudì clamar agid per lur patruns ch'èn vegnids en ina lavina. Sco quai che la REGA communitgescha eran las duas persunas la sonda suentermezdi sin ina senda da viandar, cura ch'ina lavina è sa distatgada ed ha sepulì els.
Ils chauns n'èn betg vegnids en la lavina ed han urlà dad aut. Uschia han els attratg l'attenziun d'ina gruppa da gianelladers en la vischinanza. Lezs han pudì salvar las duas persunas en la naiv ed alarmar la Rega. Las duas persunas èn blessadas mo levamain.