La regenza dat glisch verda per il project «Schmelziwald», che protegia la lingia da tren Alvra da crudada da crappa. Là è la lingia da viafier periclitada da lavinas e crudadas da crappa. La finamira dal project è da segirar il tschancun tranter Filisur e Bravuogn. Per quai vegn il territori segirà cun raits da var 900 meters lunghezza. Plinavant ha la regenza garantì ina contribuziun da 3,5 milliuns francs. Ils custs totals muntan a 4,7 milliuns francs.
Fin il 2021 duai il project esser terminà.
RR novitads 11:00