A l’inscunter ch’ha gì lieu ad Alvagni è vegnì discutà sur da las differentas vias dals products sin la fiera. Ch’ins stoppia collavurar meglier è stada la clera opiniun dals radund 30 preschents da differents secturs. Per in ustier saja ozendi memia cumplitgà da vegnir tar products regiunals. Ina pura da Stierva ha manegià ch’i saja bun d’avair ina butia sin il bain puril, ma i na fetschia betg da basegn che mintgin stoppia avair in’atgna butia.
In manader da fatschenta ch’ha avant trais onns fundà ina butia che venda online victualias regiunalas ha manegià, ch’ina da las pli grondas sfidas saja da persvader la glieud da cumprar ils products online – bain savend ch’ins na possia betg pli returnar ils products sco ch’igl è per exempel il cas tar vestgadira.
RR actualitad 17:00